6
پنجاب میں آج ہونے والے ضمنی انتخابات میں لودھراں کے حلقہ پی پی 228 لودھراں 5 میں پولنگ اسٹیشن نمبر 27 پر ایک نوبیاہتا جوڑا ووٹ ڈالنے پہنچ گیا۔
اس موقع پر دولہا کا کہنا تھا کہ ووٹ ڈالنا ایک قومی ذمے داری ہے، جس کی ادائیگی کے لیے مہمان اور ولیمہ چھوڑ کر آئے ہیں۔
دولہا کا یہ بھی کہنا تھا کہ لیڈر اچھا آئے گا تو قوم کا مستقبل اچھا ہو جائے گا، بس یہی سوچ کر ووٹ ڈالنے آئے ہیں۔
واضح رہے کہ پنجاب کے 20 حلقوں میں ضمنی انتخابات کے لیے پولنگ جاری ہے۔
صبح 8 بجے شروع ہونے والا ووٹنگ کا عمل بغیر کسی وقفے کے شام 5 بجے تک جاری رہے گا۔