وزیراعلیٰ پنجاب کاکمانڈو ایکشن۔۔۔ایسااقدام اٹھالیاجس سے افسران کواپنی نوکری کی فکرپڑ گئی


لاہور(نیوزڈیسک)وزیراعلیٰ پنجاب سردار عثمان بزدار نے جنوبی پنجاب سیکرٹریٹ کی کارکردگی پر شدید برہمی کا اظہار کرتے ہوئے کہا ہے کہ سیکرٹریز فوری طور پر اپنی کارکردگی بہتر بنائیں اور متعلقہ سیکرٹریز عوامی مسائل حل کرنےکیلئے اقدامات کریں۔میڈیا رپورٹس کے مطابق وزیراعلیٰ پنجاب کی زیر صدارت جنوبی پنجاب سیکرٹریٹ کے مختلف محکموں کےتعینات سیکرٹریز کا اجلاس ہوا، اجلاس میں وزیراعلیٰ پنجاب نے جنوبی پنجاب سیکرٹریٹ کی کارکردگی پر شدید برہمی کا اظہار کرتے ہوئے عوامی مسائل فوری حل نہ کرنے پر متعلقہ حکام کی سرزنش کی ہے۔

سردار عثمان بزدار نے فلاح عامہ کے منصوبوں میں تاخیر پر بھی متعلقہ حکام کی سخت سرزنش کرتے ہوئے انہیں سختی سےتاکید کی ہے کہ جنوبی پنجاب سیکرٹریٹ کے سیکرٹریز فوری طور پر اپنی کارکردگی بہتر بنائیں اور متعلقہ سیکرٹریز عوامی مسائل حل کرنےکیلئے اقدامات کریں۔اجلاس میں وزیراعلیٰ پنجاب نے واضح طور پر کہا کہ محکموں کو اب کام کرکےدکھاناہوگا، سست روی برداشت نہیں کی جائے گی، کوتاہی پر ذمہ داروں کا تعین کرکےسخت کارروائی کی جائےگی۔سردار عثمان بزدار نے اعلیٰ افسران کو دو ٹوک الفاظ میں کہا کہ عوامی توقعات کے مطابق ڈلیو رنہ کرنے والےافسر کو عہدے پر رہنےکا حق نہیں، جونتائج نہیں دے گا وہ پنجاب میںعہدے پر نہیں رہے گا، عوامی منصوبوں میں بلا جواز تاخیر کسی بھی قیمت پر قابل قبول نہیں، زبانی جمع خرچ نہیں چلے گا، کام کر کے دکھانا ہوگا۔



اس وقت سب سے زیادہ مقبول خبریں


Copyright © 2017 https://pakistanlivenews.com All Rights Reserved
About Us | Privacy Policy | Disclaimer | Contact Us