ہالینڈ کی ملکہ کا پاکستان کیلئے بڑا اعلان


ڈیووس(مانیٹرنگ ڈیسک )ہالینڈ کی ملکہ نے پاکستان کی محبت میںایسا اعلان کر دیا کہ تمام دشمن ممالک خصوصاً بھارت اوراسرائیل کو بڑا جھٹکا لگ گیا ۔۔۔ ہالینڈ کی ملکہ میکسیما نے کہا ہے کہ پاکستان میں ڈیجیٹلائزیشن کے عمل میں ہالینڈ ہر قسم کے تعاون کےلئے تیار ہے۔تفصیلات کے مطابق ڈیووس میں جاری ورلڈ اکنامک فورم کے موقع پر ڈیجیٹل پاکستان کی سربراہ تانیہ ایدروس اور ہالینڈ کی ملکہ میکسیما میں ملاقات ہوئی، جس میں ڈیجیٹل پاکستان

کے ویژن پر تفصیلی تبادلہ خیال کیا گیا۔ملاقات میں ملکہ میکسیما نے ڈیجیٹل شعبے میں پاکستان کی مدد کے بھرپور عزم کا اظہار کیا، انھوں نے اپنے حالیہ دورہ پاکستان کی یادیں بھی تازہ کیں اور دورے کا خصوصی ذکر کیا، انھوں نے کہا کہ ہالینڈ پاکستان میں ڈیجیٹلائزیشن کے عمل میں ہر قسم کے تعاون کےلئے تیار ہے۔ملکہ میکسیما کا کہنا تھا کہ پاکستان میں عوامی فلاح کے طور پر ڈیجیٹل شناخت کا فروغ ضروری ہے، ڈیجیٹل پاکستان ملکی بہتری اور صنفی تقسیم کی کمی میں مددگار ہوگا۔ ڈیجیٹل پاکستان کی سربراہ تانیہ ایدروس نے کہا کہ پاکستان میں وزیر اعظم عمران خان کی قیادت میں انقلابی منصوبہ شروع کیا گیا ہے، ملک میں ڈیجیٹلائزیشن کے عمل سے ترقی کا نیا دور شروع ہوگا۔واضح رہے کہ پاکستان اس فیلڈ میں گو کہ کافی ترقی کر چکا ہے تاہم پھر بھی گزشتہ حکمرانوں کی غفلت کی وجہ سے پاکستان ڈیجیٹل فیلڈ میں اقوام عالم خصوصاً اپنے روائتی

حریف بھارت سے کافی پیچھے سمجھا جاتا ہے ۔



اس وقت سب سے زیادہ مقبول خبریں


Copyright © 2017 https://pakistanlivenews.com All Rights Reserved
About Us | Privacy Policy | Disclaimer | Contact Us