کشمیر کی صورت حال پر اقوام متحدہ کی سلامتی کونسل کا اجلاس بلا لیا گیا


نیویارک (نیوز ڈیسک ) کشمیر کی صورت حال پر اقوام متحدہ کی سلامتی کونسل کا اجلاس بلا لیا گیا۔ تفصیلات کے مطابق مسئلہ کشمیر پر اقوام متحدہ نے اجلاس بلا طلب کر لیا ہے، اجلاس کل امریکی شہر نیو یارک کے مقامی وقت کے مطابق دن 12 بجے ہو گا۔ اس قبل بھی سلامتی کونسل نے کشمیر مسئلے پر اہم اور ہنگامی اجلاس طلب کیا تھا جب بھارتی حکومت نے جموں و کشمیر کی خصوصی حیثیت ختم کر دی تھی۔پہلا اجلاس اگست میں طلب کیا گیا

تھا، اگست کے بعد کل دوسری بار اقوام متحدہ کی سلامتی کونسل کشمیر کے مسئلے پر بات کرے گی۔ ذرائع کے مطابق سلامتی کونسل کے اجلس میں ممکنہ طور پر ہونے والی گفتگو میں اقوام متحدہ کے مبصرین گروپ لائن آف کنٹرول کی صورت حال پر سلامتی کونسل کو بریف کرے گا۔ذرائع کا مزید کہنا ہے کہ کشمیر کاز پر سلامتی کونسل کے اجلاس بلانے میں سب سے اہم اور کلیدی کردار چین نے ادا کیا ہے، چین کی مدد سے ہی یہ ممکن ہو سکا ہے کہ سلامتی کونسل کا کل دوسرا اجلاس ہونے جا رہا ہے۔مزید تفصیلات کے مطابق وزیر خارجہ شاہ محمود قریشی بھی آج نیو یارک پہنچ رہے ہیں۔ وزیر خارجہ ایران امریکہ حالیہ کشیدگی میں کمی کے لیے وزیر اعظم عمران خان کی ہدایت پر ایران، سعودی عرب اور امریکہ کے دورے پر ہیں، شاہ محمود قریشی کا آج نیویارک جانا پہلے سے طے تھا۔ وزیر خارجہ مخدوم شاہ محمود قریشی ایران کے دورے کے بعد سعودی عرب کا ایک روزہ دورہ مکمل کرنے کے بعد پیر کو عمان کے لئے روانہ ہو گئے تھے۔سعودی وزارت خارجہ کے ڈائریکٹر جنرل

پروٹوکول عبداللہ ایم راشد، سعودی عرب میں پاکستانی سفیر راجہ علی اعجاز اور پاکستانی سفارتخانے کے دیگر افسران نے وزیر خارجہ شاہ محمود قریشی کو شاہ خالد انٹرنیشنل ایئرپورٹ پر الوداع کیا۔ دفتر خارجہ سے جاری پریس ریلیز کے مطابق عمان کے دورے کے دوران وزیر خارجہ شاہ محمود قریشی عمان کے سلطان قابوس بن سید السید کی وفات پر شاہی خاندان کے ساتھ تعزیت کریں گے۔ سلطان قابوس بن سید السید گزشتہ جمعہ کو انتقال کر گئے تھے۔ ان کی عمر 79 برس تھی۔



اس وقت سب سے زیادہ مقبول خبریں


Copyright © 2017 https://pakistanlivenews.com All Rights Reserved
About Us | Privacy Policy | Disclaimer | Contact Us